Om oss
Me bygde for generasjonane før deg og byggjer for generasjonane etter deg
Mykje historie i desse veggane, seier folk ofte om gamle hus.
Me har gjennom seks generasjonar og 125 år med erfaring sett opp tallause heimar og næringsbygg. Me har opplevd oppturar og nedturar, og har sett dei fleste utfordringar før. 125 år med omstillingar og endringar har gjort oss gode på tilpassingar. Det meiner me kjem deg til gode, og me jobbar heile tida med å skape tryggleik for deg som kunde og for våre tilsette.
Valvatnegruppa består i dag av Valvatne Bygg, XL-BYGG Valvatne og Stord Kjøkkensenter, og me har ein gjeng dyktige og dedikerte medarbeidarar.
Me har vore her lenge, og vil vera her lenge – ikkje fordi me er gamle, men fordi me er gode på å tilpassa oss.
Me trur på kvalitet framføre kvantitet, me trur på berekraft og miljøvenlege løysingar, og me trur på handverket som er nedarva gjennom seks generasjonar. Me vil byggje på vår kompetanse og erfaring – me vil byggje noko som varar.
